سو جاتے ھیں فٹ پاتھ پہ اخبار بچھا کہ
مزدور کبھی نیند کی گولی نہیں کھاتے

آج مزدوروں کا دن ھے۔ دنیا بھر میں اسی دن کا شور ھے لیکن اس مقام پر سوچنے کی بات یہ ھے کہ آیا ہمارے دلوں میں مزدوروں اور انسانیت کا درد بھی ھے کہ نہیں؟ قسمت کا ستم تو دکیھیے کہ آج جن مزدوروں کا دن منایا جا رھا ھے اور جس دن کی ہم چٹھی منا رھے ھیں، وہی مزدور آج بھی گرمی میں اک وقت کے کھانے کے لیے اپنا پسینہ بہا رھے ھیں اور ان کے حقوق کے لیے کچھ بھی نہیں کیا جا رھا - افسوس ۔۔۔۔۔۔۔

زندگی کیا ھے، عناصر میں ظہورِ ترتیب
موت کیا ھے، انہی اجزا کا پریشاں ھونا

آج اس شعر پر میں جتنا سوچتا گیا، اتنا ھی زندگی اور موت کے راز مزید پراسرار ھوتے چلے گئے۔ کیا زندگی کا اختمام موت ھے یا موت اک اور زندگی کی ابتدا ھے اور اگر موت اک اور زندگی کی ابتدا ھے تو پھر اس زندگی کی انتہا کیا ھے؟

محترم بلاگرز و قاریئن

میں نے اپنے بلاگ پر ڈاونلوڈ کا صفحہ شامل کیا ھے، جس سے آپ آسانی سے میری برقائی گئی کتب ڈاونلوڈ کر سکیں گے۔

دعاوں کا طالب !

محترم قاریئن و بلاگرز !
سلام

خواہش اور امید ھے کہ سب بخیریت ھوں گے ۔ کچھ عرصہ غیر حاضری کے لیے معذرت ، وجہ کچھ تعلیمی مصروفیات تھیں۔ اپنے وعدے کی عین مطابق میں آپ سب کی خدمت میں اپنے شاعری مجموعے کو برقی صورت میں آپ لوگوں کی خدمت میں پیش کر رھا ھوں، امید ھے کمی بیشی معاف کریں گے کیونکہ میں فقط اردو کا ادنہٰ طالب ِ علم ھوں-
خوش اور آباد رھیے !

آپ کی دعاوں کا طالب !

DASTAK - My Poetry- www.noumanali.com

پاگل سی اک لڑکی ھے
جو پیار مجھ سے کرتی ھے
ہر وقت مجھ کو سوچتی ھے
پر کہنے سے وہ ڈرتی ھے
پاگل سی اک لڑکی ھے

اکثر کَن اکھیوں سے
مجھے دیکھتی رہتی ھے
جب چوری اس کی پکڑی جائے
شرما کہ کہیں چھپ جاتی ھے
پاگل سی اک لڑکی ھے

جب بھی بات میں کرنا چاھوں
گھبرا سی وہ جاتی ھے
پیار میں جب جتلانا چاھوں
شرما سی وہ جاتی ھے
پاگل سی اک لڑکی ھے

مہندی سے ہاتھوں پر اپنے
لکھتی ھے وہ میرا نام
کہیں ھو نہ جائے وہ بدنام
اس ڈر سے مٹانے لگتی ھے
پاگل سی اک لڑکی ھے

اظہار کا اس کو سلیقہ نہیں
نہ اقرار کرنا آتا ھے
جب کچھ کہنا چاہتی ھے
بس کچھ جھنجلا سی جاتی ھے
پاگل سی اک لڑکی ھے
ہاں ! وہ پاگل سی اک لڑکی ھے

کھیل خواہشوں کا بھی عجیب ھوتا ھے
یہ دل کبھی خوش، کبھی غریب ھوتا ھے

پھول کھلتے ہیں،بہکا ماحول ھوتا ھے
جب وجود ِصنم میرے قریب ھوتا ھے

کھا کے زخم جو پلٹے تو معلوم یہ ھوا
دشمن کب ہمارا ، اپنا حبیب ھوتا ھے

آرام ملتا ھے کسی کو، کسی کو آلام
یہ تو سب یارو اپنا نصیب ھوتا ھے

بیچینی سی ھے پیار میں،وقت کٹتا نہیں
بے صبرا دل، پل پل کا حسیب ھوتا ھے

اک نظر نے جب کہہ دیا افسانہ ِ عاشقی
خاموشی پہ قرباں پھر خطیب ھوتا ھے

ملتا ھے سکوں کتنا جب پیار میں گوھر
یہ وجود ِ آدمی نذر ِ صلیب ھوتا ھے

کتنا پاگل ھوں ، میں کیا چاہتا ھوں
اک بیوفا سے اسکی وفا چاہتا ھوں

عشق کے سمندر میں ڈال دی ناو
سہارا تیرا میں اب نا خدا چاہتا ھوں

عجب بےکلی ھے وجود میں میرے
جو پرسکوں کر دے ، دعا چاہتا ھوں

تو حسن کا عروج،تو ہی میری مسیحا
مریض ِعشق ھوں میں شفا چاہتا ھوں

بیداد ایسی ھے کہ کانپ اٹھی زمیں بھی
لرزا دے آسماں کو وہ صدا چاہتا ھوں

خاموش لبوں سےجو ظلم سہ رھا ھوں
اپنے صبر کی میں فقط انتہا چاہتا ھوں

ہاں! محبت کی ھے ،چاہا ھے کسی کو
اس جرم کی اب تو میں سزا چاہتا ھوں

کچھ اور نہیں تو درد تو ذیادہ نہ کیجیے
دلوں میں یونہی سرحد تو ذیادہ نہ کیجیے

محروم ِجلوہ کر دیا ناراضگی کی آپ نے
بیداد مجھ پہ حد سے تو ذیادہ نہ کیجیے

بتا دیے امید میں کئی ماہ و سال ہم نے
انتظار ِوصال ابد سے تو ذیادہ نہ کیجیے

اک روشنی تھی آپ کی وہ بھی چھین لی
تاریک زندگی لحد سے تو ذیادہ نہ کیجیے

میرا دیں ،میرا دھرم ،میرا ایماں تم ھو
سوچوں کا محور، میرا وجداں تم ھو

میری بقا ھے مشروط، صرف تم سے
میرے قدموں کی زمیں، آسماں تم ھو

یہ فلک ،یہ زمیں، یہ مکاں، یہ مکیں
سب ھیں دشمن میرے، مہرباں تم ھو

میری اصل کیا، مقط قطرہ ِبے معانی
خود اپنی ذات میں بحر ِ بیکراں تم ھو

تم سے الگ میر کوئی شناخت نیہیں
میری روح، میرا جسم، پہچاں تم ھو

سب سے جدا گوھر، ادا ھے تماری
کبھی ظاہرھو ، تو کبھی پنہاں تم ھو